'' ကြီးကြီးစိန်…ဘာမှာဦးမှာလဲ…"
"ခင်ရွှေ…သွားရအောင်ဟေ့…. နောက်ကျရင် အပြန်နေပူနေဦးမယ်…….."
မနက်ဝေလီဝေလင်းအချိန်မှာ အမေဈေးသွားဖို့ ပြင်ဆင်နေတာပါ။
ရွာကလူတွေ ဈေးသွားဝယ်ကြရင် နှစ်ယောက်၊ သုံးယောက်အုပ်စုဖွဲ့ပြီး သွားလေ့ရှိပါတယ်။ ဈေးကရွာနဲ့ဆို
တစ်မိုင်ကျော်ကျော်လောက် ဝေးပါတယ်။ ဈေးကို သွားဖို့ လမ်းနှစ်လမ်းရှိပါတယ်။ ရွာအနောက်ဘက်ကနေ
ခဏလောက်လျှောက်သွားလိုက်ရင် ပေတစ်ရာ ကားလမ်းပေါ်ကိုရောက်ပါတယ်။ အဲဒီကနေ မြင်းလှည်း ဒါမှမဟုတ်
ခြေကျင်လျှောက်ပြီး ဈေးဝယ်သွားကြတယ်။ နောက်တစ်လမ်းက ဖြတ်လမ်းပါ။ လယ်တော၊ယာတွေတွေကို
ဖြတ်ပြီးသွားရတဲ့လမ်းကလေးရှိပါတယ်။ အများစုက မြင်းလှည်းဖိုး အကုန်အကျသက်သာအောင် ဈေးဖိုးအပိုရအောင်
လမ်းလျှောက်သွားလေ့ရှိပါတယ်။ ဆေးလိပ်တို ပါးစပ်မှာကိုက်ဖွာရင်း သားရေးသမီးရေးနဲ့ ရွာထဲရပ်ထဲက
ဟိုအကြောင်း ဒီအကြောင်းပြောရင်း
ဈးသွားကြတယ်။
ဈေးဆိုပေမယ့် အကြီးကြီးမဟုတ်ပါဘူး။
ပေးသုံးရာပတ်လည်လောက်ပဲရှိတဲ့ ဈေးသေးသေးလေးပါ။ ၅ရက်မှာ တစ်နေ့ပဲ ဈေးက ရှိတာပါ။ ကျန်တဲ့နေတွေဆို
ဈေးဝယ်သူနဲ့ ဈေးရောင်းသူက ဆယ်ဂဏန်းမပြည့်ပါဘူး။ အရပ်အခေါ်တော့ ၅ရက်တစ်ဈေးလို့ခေါ်လေ့ရှိပါတယ်။
ကျွန်တော်တို့နယ်တ၀ိုက်မှာ ဆပ်သွားဈေး၊ ချောင်းနက်ဈေး၊ တောင်တွင်းဈေး၊ ပရပ်ကြယ်ဈေးနဲ့
ကုက္ကိုခွဈေးဆိုပြီး ဈေးငါးခုရှိပါတယ်။ အဲဒီနေရာတွေမှာ တစ်နေ့တစ်နေရာစီ ဈေးကျင်းပတာပါ။
တစ်ဈေးနဲ့တစ်ဈေးဆိုလည်း အတော်လေးအလှမ်းဝေးပါတယ်။ ဒေသထွက်သီးနှံတွေဖြစ်တဲ့ ခရမ်းချဉ်သီး၊ငရုပ်သီး၊ဘူးသီးနဲ့ကြက်ဟင်းခါးသီးစတဲ့သီးနှံတွေကို
ဒီနေ့ဒီဈေးမှာ ရောင်းလို့ မကုန်ရင် နောက်နေ့
နောက်တစ်ဈေးမှာ သွားရောင်းကြတယ်။ ဈေးဆိုပေမယ် အမြဲတမ်းဈေးမဟုတ်တော့ ဈေးဆိုင်တန်းက
နှစ်ခုပဲ ရှိတယ်။ ကျန်တာတွေက မြေကြီးပေါ်မှာ ဖျာ၊ ဂုန်နီအိတ်နဲ့မြွေရေခွံအိတ်တွေခင်းပြီး
ရောင်းချကြတယ်။ ကိုယ့်ယာခင်းကထွက်တဲ့ သီးနှံတွေချည်းဆိုတော့ အားလုံးက လတ်လတ်ဆတ်ဆတ်
စွင့်စွင့်ကားကားနဲ့၊ ဆိုးဆေးမသုံး၊ အားလုံးက သဘာဝအတိုင်းသာ။ ဖရုံသီးရောင်းပြီး ကြက်ဟင်းခါးသီး
တခြားသူဆီမှာ ပြန်ဝယ်။ ကြက်ဟင်းခါးသီးရောင်းပြီး ငရုပ်သီးပြန်ဝယ်နဲ့ ဈေးငယ်လေးဟာ စည်ကားသိုက်ဝန်းလို့။
ထုပ်ပိုးစရာရှိရင်လည်း ကြွပ်ကြွပ်အိတ်ကို မသုံး၊ အင်ရွက်နဲ ငပျောရွက်ကိုသာသုံးကြပါတယ်။
ဈေးတောင်ဘက်ခြမ်းမှာ ထမင်းဆိုင်နဲ့ မုန့်ဟင်းခါးဆိုင်တွေရှိပါတယ်။ ဘေးဘက်မှာဆိုရင်
အကြော်စုံဆိုင်၊ မုန့်ပြားသလက်နဲ့ရေမုန့်ဆိုင်၊ မုန့်လုံးကြီး နဲ့ဆီကြော်မုန့်ဆိုင်
နဲ့ တို့ဟူးဆိုင်တို့ စီရရီရှိနေတက်ပါတယ်။ မနက်ကိုးနာရီခွဲလောက်ဆို ဈေးကွဲစပြုနေပါပြီ။
ရောင်းချသူတွေကလည်း ဈေးလျှော့ရောင်းလေ့ရှိပါတယ်။ သား၊သမီးနဲ့တူ၊တူမများစားသောက်ဖို့
သားရေစာဝယ်အပြီး နေ့လည်စာချက်ပြုပ်ရန်
ဈေးခြင်းတောင်းခေါင်းပေါ်ရွက်ပြီး ပြန်ကြရတယ်။
ကျွန်တော်တို့ကလေးများကတော့ အမေမုန့်ဘာဝယ်လာမလဲဆိုတာကို
ရွာအပြင်ထွက်မျှော်ကြတယ်။ လယ်တောကိုဖြတ်ပြီး ဈေးကပြန်လာတဲ့သူတွေက ဟိုတစ်အုပ်၊ဒီတစ်အုပ်။
ဒီတစ်အုပ်ထဲ အမေမပါရင် နောက်တစ်အုပ်ကို ထပ်မျှော်ကြ။အမေက ဗိုက်ဘယ်လောက်စာစာ သားရေစာ
၊မုန့်ဟင်းခါးကို ဘယ်တော့မှ ဈေးမှာဝယ်မစား။ ဘာလို့လဲ မေးကြည်တော့ ဈေးမှာမစားဘဲ အိမ်ကို
ဝယ်လာတော့ တစ်အိမ်လုံးစားလို့ရလို့တဲ့။အမေက အဲဒီလိုမျိုး။ ကျွန်တော်တို့အတွက် အမေ၀ယ်လာလေ့ရှိတဲ့သားရေစာက
မုန့်ပြားသလက်နဲ့ အကြော်စုံ၊ တို့ဟူးသုတ်တို့ ဖြစ်နေတက်ပါတယ်။ တစ်ယောက်ကို မုန့်ပြားသလက်နှစ်ခုနဲ့
အကြော်တစ်ခုရပါတယ်။ မုန့်ပြားသလက်နှစ်ခုကြားမှာ အကြော်ကိုညှပ်ပြီ စားလိုက်ရရင် ကျွန်တော်တို့မှာ
ပျော်လို့ရွှင်လို့။ တစ်ခါတစ်ခါ မရွေးမုန့်ဝယ်လာတက်ပြန်တယ်။ ကျွန်တော်တို့ကလေးတွေက ဈေးကပြန်လာတဲ့သူနောက်
အုပ်စုဖို့လိုက်လေ့ရှိတယ်။ တစ်အိမ်နဲ့တစ်အိမ်က အိမ်နီးချင်းဆွေမျိုးတွေမို့ ဈေးကပြန်လာရင်
အားလုံးကို တန်းတူညီမျှ မုန့်ဝေပေးပါတယ်။ အဲဒီလိုပဲ ကျွန်တော်တို့ကလေးတွေ အုပ်စုဖွဲ့ကစားရင်း
တစ်ယောက်နဲ့တစ်ယောက် ရန်ဖြစ်နေတာတွေ့ရင် တွေ့တဲ့သူက ရန်စတဲ့သူ နိုင်ထက်စီးနင်းပြုတဲ့
ကလေးကို ရိုက်ပြီးဆုံးမပါတယ်။ အဲသလိုလုပ်တာကိုလည်း ဘယ်မိဘကမှ စိတ်မဆိုး၊ ကိုယ့်သားသမီးလိမ္မာရေးခြားရှိဖို့၊သိအောင်ဖို့
ဆုံးမတယ်လို့ပဲ မြင်ကြပါတယ်။ လသာတဲ့ညတွေဆို အဖေနဲ့အမေတို့က ၀ါးကွပ်ပြစ်ပေါ်မှာ ရေနွေးကြမ်းသောက်ရင်း
ဆေးနွေးတိုင်ပင်ကြ။ ကျွန်တော်တို့ကလေးတွေက ထုပ်စည်းထိုးတမ်း၊ စိန်ပြေးတမ်းနဲ့ ကြက်ဖခွက်တမ်း
ကစားခဲ့ကြတယ်။ကစားလို့မောပြီးဆိုတော့မှ အမေရင်ခွင်ခေါင်းတိုးပြီး အိပ်ပျော်သွားတက်ကြတယ်။
မနက်မိုးလင်း အိပ်ယာထဲမှာ ရောက်နေတယ်ဆိုတာ သိရတော့မှ ညက ဘယ်လိုအိပ်ပျော်လို့ ဘယ်သူက
အိပ်ယာထဲရောက်အောင် ပွေ့ချီခဲ့တယ်ဆိုတာ မသိ။ ကွပ်ပြစ်ပေါ် အိပ်ခဲ့တယ်ဆိုတာပဲ သိနေခဲ့တာလေ။
ကလေးကစားစရာအရုပ်ဆိုလည်း ဘာဘီရုပ် တို့ ကားရုပ်တို့ဆိုတာ အိပ်မက်ထဲမှာတောင် မဆော့ခဲ့ဘူး၊
မကစားခဲ့ဘူးပါ။ အုန်းလက်ကို မြင်းလုပ်စီး၊ အဖေလုပ်ပေးတဲ့ သစ်သားနွားရုပ်ကို လည်းပင်းမှာကြိုးချည်
ရှေ့က ကိုယ်ကဆွဲ ဒီလိုပဲ ကစားခဲ့ကြတာပါ။ အမေနဲ့အမေကလည်း စားဝတ်နေရေးအတွက် နေ့တဒူဝ လုံးပန်းနေလေတော့
ဟင်းကောင်းကောင်းမချက်အား။ လယ်တော့ကပြန်လာမှချက်တဲ့ ဟင်းတစ်ခွက်နဲ့ မကျည်းရွက်ချဉ်ရေဟင်း၊ငါးရုပ်သီးထောင်းဆို
စားသောက်ဖို့လုံလောက်နေခဲ့တယ်။ ဟင်းချက်စရာ အသား၊ငါးဆိုတာ တစ်ပတ်မှ အ၀က်သား၊အစိတ်သားဝယ်ပြီးချက်၊
တစ်ယောက်ကို တနပ်နှစ်တုံးအတိပဲ။ပိုမရဘူး။ဟင်းနှစ်ပဲ ရတယ်။ ဒီလိုစားသောက်ရတယ်ဆိုတာ ကျွန်တော်တို့တစ်မိသားစုတည်း
မဟုတ်ပါဘူး။ တစ်ရွာလုံးနီးပါးပါ။ အားလုံးကတောင်သူလယ်သမားတွေဆိုတော့ မူးစု၊ပဲစု၊ ရသလောက်စုကာ
သားရေး၊သမီးရေး ပညာရေး၊လူမှုရေးနဲ့ လုံးချာလည်နေကြတာပါ။ ခုနေပြန်စဉ်းစားတော့ တောင်သူလယ်သမားတွေဘ၀
တော်တော်သနားစရာကောင်းမှန်း သိလာရတယ်။ မြန်မာနိုင်ငံမှာ ထမင်းငတ်သေတဲ့မသာမရှိဘူးလို့
ကြွေးကြော်ခဲ့ပေမယ့် တကယ်တော့ မသေအောင်တမယ်ပဲ စားသောက်နေထိုင်နေကြရတယ်ဆိုတာတော့ ဒုနဲ့ဒေးရှိနေခဲ့တယ်။
ရှိနေဆဲပဲ ဆိုတာကို သိခဲ့ရပါတယ်။
အခုတစ်လောကျွန်တော့အိပ်မက်တွေက ကျွန်တော်မွေးဖွားကြီးပြင်းခဲ့ရာ
ရွာကလေးနဲ့ သူငယ်ချင်းများဖြစ်ပါတယ်။ကျွန်တော့်ရဲ့မွေးရပ်မြေမှာ ညအခါ လျှပ်စစ်မီးမရှိဘူး၊
လက်ဖက်ရည်ဆိုင်လည်းမရှိပါဘူး။ ဒါပေမယ့် လွမ်းမောချိုမြိန်ဖွယ် အတိတ်နဲ့ ကြည်းနှုးဖွယ်ရာ
အချိန်တွေရှိနေခဲ့ဘူးတယ်လေ။ တခြားသူတွေ အိပ်မက်ကိုစီနဲ့ ရှေ့ကို ခရီးနှင်နေပေမယ်လည်း ကျွန်တော့အိပ်မက်တွေကတော့ စက်ဝိုင်းဝိုင်းတစ်ခုလို
အချိန်တွေကြားလာသည်နှင့်အမျှ စတင်ထွက်ခွာခဲ့ရာဆီသို့ ဦးတည်ပြန်လည်သွားနေခဲ့ပါတယ်။
ဘာဘဲဖြစ်ဖြစ် ကိုယ်ဆုံးဖြတ်ချက်မှာ ကိုယ်ပျော်မွေ့ဖို့က အရေးအကြီးဆုံးပဲ မဟုတ်လား။
